Wasaraada arrimaha dibedda ee Maraykanka oo kaashanaysa Wasaarada caafimaadka iyo adeegyada aadanaha ayaa iclaamisay 2022kii barnaamij kafaala-qaad gaar ah kaas oo awood u siinaya dadka ku nool Maraykanka inay door ku yeeshaan soo dhaweynta qaxootiga ku imaada Barnaamijka U.S. Refugee Admissions Program (USRAP). Sanadkii la soo dhaafay, Amerikaan badan ayaa soo dhaweeyay qaxooti laga keenay Afghanistan, Ukraine, Venezuela, iyo meelo kale oo badan kuwaas oo ka soo cararaya dagaalo iyo caburis siyaasadeed.
Soo-dhaweyntaan ayaa abuuraysa barnaamij waara oo loogu talagalay dadka Mareykanka ah in ay si gaar ah u kafaala qaadaan qaxootiga adduunka oo dhan. Barnaamijkaan oo lagu magacaabo America Coprs Soomaalidana u taqaan Group 5 waa hal-abuurkii ugu dhiirranaa ee dib-u-dejinta qaxootiga muddo afartan sano ah.
Sida uu ku bilowday Amrican Coprs ama Group 5
Dowlada maraykanka ayaa barnaamijkaan u qaybisay labo waji si ay u ogaato, una qiimayso, si sare loogu qaado waxyaabaha adeega kafaala-qaadka gaarka ah sida dib-u-dejinta bulshada hogaaminayso, iyada oo ujeedadu tahay in la xoojiyo Soo-dhaweynta qaxootiga iyada oo la raacayo nidaamka dib-udejinta Maraykanka.
Wajiga koowaad ee barnaamijka, kafaala-qaadayaasha gaarka ah ee ka qayb qaadanaya waxay soo dhawaynayaan qaxooti hore kiiskooda loo meel mariyay oo hoos imaada USRAP. Wajigaasi hada waa uu soo gabagaboobay.
Wajiga labaad ee barnaamijka oo hada furmay , kafaala-qaadayaasha gaarka ah waxay awood u yeelan doonaan inay iyaga doortaan qaxootiga la keenayo kadibna u gudbiyaan USRAP si ay dib-u-dejin ugu sameeyaan. Faahfaahin dheeraad ah oo ku saabsan wajiga labaad ee barnaamijka dib ayaan idiinka soo gudbin doonaa.
Soo-dhaweyntu waxay ugu dambeyntii noqon doontaa qayb muhiim ah oo ka mid ah nidaamka dib-u-dejinta qaxootiga ee Maraykanka, oo siinaya nolol badbaadinayana dadka nugul ee u baahan dib-u-dejinta.
Sida Barnaamijka u shaqeeyo.
Dad ka kooban ugu yaraan shan qof oo muwaadiniin Maraykan ah ama haysta deganaasho rasmi ah kana wayn 18 sano, waxay awood u leeyihiin inay soo codsadaan Soo-dhaweynta si ay si gaar ah u kafaala qaadaan dib-u-dejinta qaxootiga. Kafaalaqaadayaasha gaarka ah ayaa mas’uul ka noqon doona inay si madax-bannaan u ururiyaan lacag oo ay si toos ah u siiyaan gargaarka lagama maarmaanka ah qaxootiga 90-ka maalmood ee ugu horreeya.
Caawimadan waxaa ka mid ah in qaxootiga laga caawiyo sidii ay guri iyo shaqo u heli lahaayeen, gaynta carruurta dugsiyada, iyo in qaxootiga lagu xidho adeegyada muhiimka ah ee bulshada.
Wixii macluumaad dheeraad ah oo ku saabsan kafaalaqaadka qaxootiga ama si aad u noqoto kafaala-qaade gaar ah, la soco qormooyinkeena soo socda.
Hadii aad su’aal gaar ah qabto, fadlan qaybta commentiga noo soo dhig.
