Barito oo ku beegan Maarso shanteeda waxaa looga yaqaanaa dalka Maraykanka Super Tuesday. Super Tuesday waxaa la qabtaa doorashooyiinka is reeb-reebka axsaabta dhexdooda oo ka qabsoonta gobolo badan oo maraykanka ah. Ilaa hada, madaxwayne Joe Biden iyo madaxwaynihii hore Domald Trump ayaa ugu cad cad murashaxiinta axsaabtooda ku matalaya doorashada madaxwaynaha dalka Markanka oo qabsoomaysa Nofeembar sanadkaan.
Hadaba maxaad u baahan tahay inaad ka ogaato doorashada barito dhacaysa iyo sida aad u codayn karid.
Yaa codayn kara?
Qof walba oo codbixiye u diiwaan gashan waa uu codayn karaa. Hadii aadan diiwaan gashanayn isla goobta ayaad isku diiwaan galin kartaa. Waxaa lagaaga baahan yahay inaad wadatid kaarkaaga aqoonsiga, ama biilka adeegyada guriga sida korontada, ama heshiiska aad ku degan tahay guriga.
Halkeen ka codayn karaa?
Goobtaada codaynta waxay ku xirantahay halka aad degan tahay. Halkan ayaad ka heli kartaa goobtaada codaynta. Kaarka codaynta waxaa ku qoran dhamaan murashaxiinta.
Goormaan codayn karaa?
Waxaad codayn kartaa adiga oo goobta tagaya 5-ta Maarso oo ah barito oo Talaado ah. Codbixintu waxay furmi doontaa 7 subaxnimo ilaa 8 galabnimo. Qof kasta oo safka ku jira 8-da fiidnimo waxaa loo ogolaan doonaa in ay codeeyaan.
Dadka qaar ayaa mar hore codeeyay iyaga oo isticmaalaya adeega boostada.
Xaalada kaarkaaga codaynta waxaad kala socon kartaa halkaan.
Maxay tahay xuquuqdayda codaynta?
Waxaad xaq u leedahay in aad isla goobta isku diiwaan galiso xiliga codaynta, waxaad codsan kartaa turjumaan, caruurtaada waa ay ku soo raaci karaan, sidoo kale, shaqada ayaad fasax ka soo qaadan kartaa si aad u codayso. Fasaxaasi wax uma dhimayo mushaarkaaga ama saacadahaada fasaxa ama PTO.
Hadii aad su’aalo qabtid xiliga codaynta, waxaad waydiin kartaa xaakimka doorashada ee jooga goobta codaynta.
Sideen iu codsan karaa turjumaan?
Hadii aad doonaysid macluumaad ku qoran luqad aan Ingiriis ahayn, waxaad codsan kartaa turjumaan. Hadii uusan turjumaan joogin goobta codaynta, xaakimka doorashada ayaa kuu wacaya turjumaan.
Kaararka codaynta waxaa laga yaabaa in ay ku qoran yihiin luqado kala duwan.
Xageen ka heli karaa macluumaad dheeri ah.
Booqo shabakada xoghaynta Minnesota si aad u heshid macluumaad dheeri ah.
