Qormadeenii hore waxaan ku soo qeexnay cudurka Long-Covid, tirada dadka uu ku dhacay, iyo astaamaha lagu garto. Qormadaan waxaan diirada ku saari doonaa sida loo daweeyo Long-Covid hadii adiga ama qof aad jeceshahay uu ku dhaco. Inta aynaan ka hadlin dawaynta, waxaan idiin xasuusinayaa astaamaha lagu garto.
Astaamaha lagu garto Long-Covid
- Daal joogto ah oo si xun u saameeya hawlaha maalinlaha ah ee qofka.
- Neefsashada oo qofka ku adkaata Qofka xitaa marka uu samaynayo howl fudud.
Intaa waxaa dheer, calaamadaha kale ee suurtogalka ah ee Long COVID waxaana ka mid ah:
- Isbedel ku yimaada dareenka urta ama dhadhanka (anosmia ama dysgeusia)
- Garashada oo yaraata oo loo yaqaan “Brain fog” (Sida in maskaxda ceeryaamo saaran tahay)
- Qufac joogto ah
- Madax xanuun
- hurdo la’aan
- Calaamadaha niyadjabka iyo walaaca
- Laab oo xanuun
- Wadno xanuun
- Dhibaatooyin xaga caloosha ah, sida shuban
Dawaynta
Hadii aad baratay astaamaha Long-Covid oo dhakhaatiirtu ku macneeyeen in uu yahay Chronic ama xanuun lala noolaado, wax ka baro sida loo daweeyo.
Caqabadaha Daryeelka Long COVID:
- Waxaa adkaata in qofka si dhaqso ah u helo dawo taas oo ay sabab u tahay nidaamyada daryeelka caafimaadka.
- Waxaa laga yaabaa in dhakhaatiirta, loo shaqeeyayaasha, iyo xubnaha qoyska ay yaraystaan calaamadaha taas oo keeni karta daryeel la’aan.
- Luqada iyo kala duwanaashaha dhaqanka ayaa laga yaabaa in dadka aan luqada ingiriiska si fiican ugu hadlin ay ku adkaato in ay helaan daryeel caafimaad oo dhamaystiran.
- In aan si dhaqso ah loo baarin ama loo ogaan dadka aan lahayn taariikh caafimaad ama dhaqaalahoodu hooseeyo.
Daawaynta iyo muddada calaamadaha Long COVID:
- Calaamaduha ama xanuunada Long-Covid waxay ku bogsoon karaan bilo ama sanado ayuu qofka la noolaan karaa.
- Daawaynta waxaa lagu saleeyay nooca calaamadaha qofka dareemayo. tusaa:
- Daalka waxaa lagu dawaynayaa shaqada oo la yareeyo iyo nasasho.
- Xanuunka jirka iyo maskada waxaa lagu dawaynayaa dawooyiinka ku haboon xanuunadaasi. Dhakhtarkaaga la tasho mar walbo
- Urta oo qofka ka tagtaayi waxaa lagu daweeyaa tababarka urta ee loo yaqaan olfactory.
Waxaa socda baaritaano lagu ogaanayo sidii loo hormarin lahaa dawaynta Long-COVID maadaama uu yahay cudur aadanaha ku cusub.
Waxaad caawimaad kla heli kartaa dhamaan xarumaha caafimaadka iyo bulshada.
La soco qormada soo socota ayaynu faahfaahin dheeri ka bixin doonaa.
Waxaa qoray Abdirizak Diis
Xigasho: Cilmi baaris ay samaysay Mayo Clicin
