Clockwise from top left: Anika Bowie, Rebecca Noecker, Saura Jost, Mitra Jalali, Cheniqua Johnson, Nelsie Yang, Hwa Jeong Kim. Credit: Courtesy of candidates’ campaigns/Sahan Journal
Magaalada St. Paul ayaa taariikh cusub samaynaysa iyada oo dadka deegaanka ay doorteen gole deegaan oo dhamaan ah dumar kadib markii Anika Bowie iyo Cheniqua Johnson ay ku guulaysteen doorashada. Ka dib markii la tiriyay codadka, Johnson ayaa in yar kaga adkaatay dhigeeda ka soo horjeeda ee Word 7, halka Bowie ay ku guuleystay Ward 1, labaduba waxay u baahdeen tirinta doorashada xulashada labaad maadama uusan qofna helin 51 boqolkiiba xulashada koowaad.
Golahaan cusub ee Magaaladu maaha kaliya Dumar laakiin sidoo kale waxay calaamad u tahay kala duwanaanshiyaha jinsiyadeed ee aan horay loo arag, oo ka kooban lix xubnood oo ah dadka laga tirada badan yahay. Waxaana lagu tilmaamay inay yihiin “ka ugu da’da yar, ugu horumarka badan, uguna kala duwan” taariikhda St. Paul. Xubnaha golaha, oo ay ku jiraan kuwa hadda xilka haya Mitra Jalali, Rebecca Noecker, iyo Nelsie Yang, oo ay weheliyaan xubnaha cusub ee Saura Jost, Hwa Jeong Kim, Bowie, iyo Johnson, waxaa la dhaarin doonaa sanadka soo socda.
War-murtiyeed ay si wada jir ah u soo saareen xubnaha goluhu waxa ay ugu mahad naqeen isbahaysiga bulshada ee ka qayb qaatay guusha ay gaadheen, iyaga oo ka soo gudbay dagaalkii ay la galeen dhinaca muxaafidka. Waxyaabiha ugu muhiimsanaa ee golahan diirada saari doono, sida lagu sheegay bayaankooda, waxaa ka mid ah xasilinta kirada, horumarinta sinnaanta, dhisidda hantida bulshada, adkeysiga cimilada, iyo xuquuqda shaqaalaha.
Waxaa dib loo doortay jalali, Yang, iyo Noecker, iyadoo Kim iyo Jost ay guulo ka gaareen waadhkooda. Markay isu diyaarinayaan inay xafiiska la wareegaan Janaayo 2024, golaha cusub wuxuu xooga saarayaa sida ay uga go’an tahay maamul-wadaaga iyo raadinta mustaqbal wanaagsan dhamaan reer St. Paul.
Warbixintani waxaa soo tabisay oona xaqiijisay Sahan journal
