Manhajka cusub ee cilmiga bulshada ee Minnesota oo ay ku jiraan daraasaadka qowmiyadaha ayaa dhaqan geli doona 2026. Macdadka cilmi baarista ee u janjeera dhanka Republikanka ee American Experiment ayaa maadada culuumta qoymiyadaha ama isirka ka soo horjeestay in lagu daro manhajka dugsiyada dadwaynaha Minnesota. Machadka ayaa dacweeyay waaxda waxbarashada ee Minnesota (MDE) si meesha looga saaro barashada maadada qowmiyadaha.
Garsooraha dacwada qaadayay ayaa ansixiyay barashada maadada culuunta qoymiyadaha waxaa uuna faray waaxda waxbarashada ee Minnesota in ay isbadal yar ku sameeyaan manhajka.
Manhajka cusub ee culuumta bulshada ayaa lagu dari doonaa daraasaadka qowmiyadaha ee bulshooyiinka degan Minnesota markii ugu horeysay. Dadka arrintaan u ololeeya ayaa xusay in ku darista manhajka cusub culuumta qomiyadaha ay ka dhigan tahay aqoonsiga kala duwanaashaha ardayda Minnesota.
Xukunka garsooraha Eric Lipman ayaa soo afjaraysa dood socotay ku dhawaad afar sano. Sida uu dhigayo sharciga gobolka, dhammaan manaahijta lagu barto dugsiyada oo ay ku jiraan barashada xirfadaha waaweyn waa in dib u eegis lagu sameeyaa tobankii sanoba mar.
Daraasaadka qowmiyadaha ayaa hada lagu dhigtaa dugsiyada dadwaynaha ee Minneapolis iyo St. Paul. Daraasaadkaan waxaa ka mid ah barashada culuumta Soomaalida oo ay ku jiraan taariikhda, dhaqanka, iyo hawaayada ama aqoonsiga ardayga Soomaaliga ah. Sidoo kale waxaa ka mid ah culuumta Afrikaanka Maraykanka, eeshiyaanka, iyo Laatiinaha.
Ardayda kama qalin jabin karo dugsiga sare ilaa ay qaataan hal semestar oo culuumta qowmiyadaha ah.
Ardayda Soomaalida ayaa aad u soo dhaweeyay in ay dugsiyada dadwaynaha ku bartaan taariikhdooda iyo dhaqankooda oo inta badan aysan ku jirin manhajka culuumta bulshada.
