Macalimiinta dugsiyada dadwanaha Minneapolis ayaa todobaadkan u codeynaya labo qandaraas oo oo mushaar kordhin u samaynaya macalimiinta iyo shaqaalaha kale. Mushaar kordhintaan ayaa noqonaysa tii ugu badnayd muddo 25 sano ah.
Macalimminta ayaa mushaharka loogu darayaa – 4% sanadkan iyo 5% 2024-25 . Intaa waxaa dheer kororka mushaarka ee sanadaha khibrada iyo heerka waxbarashada.
Ilaa hadda lama ogaan karo saamaynta ay ku yeelan karto miisaaniyada dugsiyada degmada 2024-25 oo horay loo saadaaliyay in ay ka dhiman tahay $110 milyan. Hadii loo geeyo qandaraasyada kale ee aan wali heshiis laga gaarin, hoos u dhaca miisaaniyada intaa wuu ka badanayaa.
Heshiisku ayaa la gaaray wax yar ka hor inta aysan macaliinta u codayn in ay ku dhawaaqaan shaqo joojin dabayaaqadii Abriil.
Haddii ay ansixiyaan macallimiinta, heshiisku wuxuu u gudbi doonaa guddiga dugsiga si ay u ansixiyaan. Degmadu waxay sheegtay in heshiisku uusan ka baxsananyn miisaaniyada golaha ansixiyay.
Macalimiinta gobolka oo dhan ayaa helaya mushaar kordhin sanadkaan. Celcelis ahaan kororka wuxuu u dhexeeyaa 4.3% sanadkan iyo 3.5% 2024-25.
Macallimiinta St. Paul waxay xaqiijiyeen heshiis laba sano ah bishii Maarso waxaana loo kordhiyay 4% iyo $3,500 oo go’an.
Magaalada Minneapolis, 4% mushaar kordhinta sanadkan waxaa laga soo bilaabayaa 1da Luulyo, 2023.
