Qaar ka mid hogaamiyayaasha Muslimiinta Minnesota ayaa ugu baaqaya Muslimiinta Minnesota in ay u codeeyaan “uncommitted” doorashada is reebreebka ee dhacaysa Maarso shanteeda. Waxay doonayaan in ay fariin u diraan madaxwane Biden si uu xabad joojin ugu dhawaaqo Gaza.
Ololaha ka dhanka ah Biden ee Abandon Biden qaybtiisa Minnesota iyo xubnaha kale ee bulshada ayaa arrintaan ka sheegay shir jaraa’id oo ay shalay ku qabteen magaalada Minneapolis. Waxay cadeeyeen in ay ka soo horjeedaan siyaasada Biden ee Gaza, waxayna ku baaqeen xabad joojin.
Mitra Jalali oo ka tirsan Golaha Magaalada St. Paul, iyo Aisha Chughtai oo Minneaplis laga soo doorto ayaa ka mid ahaa dadkii ku booriyay cod bixiyayaasha Dimuqraadiga ah inay codeeyaan “uncommitted” oo macnaheedu ah “inaan codeeyo kuma qasbani”
Jalali ayaa yidhi”Tani waa fursada ay hastaan bulshadeena uu dagaa;ka saameeyay si ay fariin ugu diraan madaxwaynaha si uu u badalo siyaasadiisa Gaza.”
Doorashada hordhaca ah ee qabsoomaysa March 5, codbixiyayaashu waxay dooran doonaan mid ka mid ah xisbiyada siyaasadeed ee Minnesota, ka dibna waxay u codayn doonaan mid ka mid ah musharaxiintae xisbigaas.
Musharixiinta ayaa ku guulaysta tiro cayiman oo ergo ah taas oo ku xidhan sida loogu codeeyay doorashooyinka hordhaca ah ee dalka oo dhan. Ergooyinkaas ayaa markaa ka qayb galaya shirweynaha qaran ee xisbiyadooda siyaasadeed, waxayna u codeeyaan musharaxa noqon doona musharaxa xisbigoodu u sharaxaan madaxweynaha doorashada November.
Xubnaha bulshada ayaa sheegay in ay Biden fariin u noqoto in ay jiraan codad badan oo uusan ku tashan doonin. Waxay sidoo kale codadkani muujinayaan Biden in qaar badan oo dimuqraadi ah aysan taageersanayn sida uu u maareynayo iskahorimaadka Israel iyo Falastiiniyiinta, ayna ku qasbi doonaan inuu tallaabo qaado.
Taher Herzallah, oo ah arday ka qalin jabiyay Jaamacadda Minnesota, ayaa shirka jaraa’id ku sheegay in sagaal ka mid ah qaraabadiisa lagu dilay Gaza, halka kuwo kalena ay ku barakiciyeen ololaha milatari ee Israel, oo ay ku jiraan qaraxyo.
In ka badan 29,000 oo falastiiniyiin ah ayaa lagu dilay tan iyo markii dagaalka Gaza uu billowday bishii Oktoobar.
“Qaraabadaydu waxay ku gaajysan yihiin Gaza, ma jirto si kale oo loo dhigo,” ayuu yidhi. “Waxaana u baahanahay inaan hadda soo afjarno arrintan. Maamulka ayaa weli fursad u haysta inuu arrintan soo afjaro.”
Jaylaani Hussein, oo ah gudoomiyaha ururka Abandon Biden, cutubka Minnesota, ayaa sheegay in dhaqdhaqaaqa codbixinta “uncommitted ” uu ku soo badanayo dalka oo dhan, oo ay ku jirto Michigan, oo doorashada ugu horaysa la qabanayo Febraayo 27.
” Dimuqraadiyiin badan ayay tani u tahay go’aan sahlan oo keeni karta cadaadis si loo badbaadiyo dad badan,” ayuu yiri Hussein, oo sidoo kale ah agaasimaha fulinta ee Golaha Xiriirka Maraykanka iyo Islaamka, cutubka Minnesota.
