Soomaalida ku dhaqan Minnesota ayaa Abaabul xoogan ugu jira sidii ay u caawin lahaayeen Soomaalida ku waxyeeloobay daadadka xilagaan ka jira geeska Afrika. Culaam’udiinka Minnesota oo kaashanaya hay’ada Humanatarian African Releif Organization (HARO) iyo gudiga gurmadka daadaka ayaa munaasabad lacag uruurin ah ku qabanaya Zawadi Center oo ku taal Bloomington 15ka Deseembar 2023. Waxaa ay doonayaan in ay uruuriyaan lacag gaaraysa hal Milyan oo doolar, Maraykanka oo dhan.
Kumanaan qof ayaa barakacay, waxyaabihihii noloshaaoda ay ku tiirsanaydna burburay sida beeraha iyo xoolaha la dhaqdo. Qaramada Midoobay ayaa sheegtay in fatahaadda ay burburiyeen ugu yaraan 1.5 milyan hektar oo dhul beereed ah—in ka badan 3.7 milyan acres. Wadooyinka iyo kaabayaasha kale ayaa burburay. Isbitaaladii iyo iskuuladiina waa la xiray.
Masiibadaan ayaa timid kadib markii macluul ka dhalatay abaaro ba’an oo ku dhuftay Soomaaliya. Qiyaastii 1.5 milyan oo carruur ah oo ay da’doodu ka yar tahay 5 sano ayaa wajahaya nafaqo-xumo ba’an inta u dhaxaysa Agoosto 2023 iyo Luulyo 2024.
Sh Tawakal Ismaaciil oo ah gudoomiye ku xigeenka gudiga gurmadka Minnesota ayaa ayaa Somali Media of Minnesota u sheegay “In ay waajib tahay in la caawiyo dadka ku waxyeeloobay daadadka gaar ahaan meelaha ugu daran sida gobolka Gedo” Sheikha oo hadalka sii wata ayaa intaa ku daray” bulshada Soomaaliyeed aad ayay u soo dhoweeyeen baaqa gudiga gudiga gurmadka ilaa hadana waxaa la uruuriyay lacag ka badan $350,000 oo doolar”.
Soomaalida Minnesota ayaa lagu yaqaananaa isgarab istaaga walaalahooda Soomaaliyeed ee ku nool geeska Africa marka ay la soo deristo musiibo sida tan oo kale. Waxaa ay gurmad u sameeyeen suuqaqii gubtay ee Jigjiga iyo hargeisa, iyo daadakii Beledweyne.
Hadii aad doonaysid inaad ka qaybqaadato waxaad ku taburici kartaa GoFundme ama websiteka haro.
