Kumanaan qof oo ka mid ah macaamiisha At&t ayaa saaka oo Khamiis ah ku waabariistay iyaga oo aan haysan khadka telefoonka. Waxaa ay saamaysay xiriirka ay la samayn lahaayeen dadka danaha kala dhexeeyo oo ay ku jiraan wicitaanka gurmadka deg-dega ah.
Appka Downdetector oo raad raaca go’itaanka khadka telefoonka ayaa diiwaan galiyay ku dhawaad 64,000 oo qof oo lumiyay khadka subaxnimadii khamiista laga bilaabo 4:30 subaxnimo xiliga waqtiga central ka.
Shirkada At&t ayaa bayaan ay soo saartay ku sheegtay “”Qaar ka mid ah macaamiisheena ayaa saaka la kulmay kala go’a adeegga wireless-ka. Waxaan si degdeg ah uga shaqaynaynaa sidii aan u soo celin lahayn adeegaasi. Waxaan dhiirigelineynaa isticmaalka Wi-Fi0ga ilaa adeegga dib loo soo celinayo,”
Ku dhwaaad 13,000 oo ah macaamiisha Wireless-ka Cricket-ka ayuu ka go’ay khadka, halka ilaa 4,000 oo ka mid ah macaamiisha Verison ay iyagana sidaasi si la mid ah sheegeen.
Verizon iyo T-Mobile labaduba waxay sheegeen in khadkooda telefoonka uusan go’in.
“Shabakadda Verizon waxay u shaqeysaa si caadi ah. Macaamiisha qaar ayaa saaka la kulmay caqabad marka ay wacayaan ama fariin u dirayaan macaamiisha shirkadaha kale. Si dhaw ayaan ula soconaynaa xaalada,” ayay tidhi Verizon.
Hadii aad aragtay kala go’ ku yimid xiriirkaaga telefoonkaaga, la soco in ay tahay cilad jirta oo dad badani kula wadaagaan.
Sababta keentay in uu khadka xumaado ayaan ilaa hada la shaacin.
