By Abdirizak M. Diis
Camp Nenookaasi, oo ah xero loogu talagalay dadka aan guryaha lahayn ee xaafadda Phillips, ayaa la filayaa in ay cagaf mariyaan shaqaalaha magaalada Minneapolis Khamiista. In ka badan 100 qof ayay hoy u tahay goobta ku taal koonfurta Minneapolis, qabanqaabiyeyaasha xerada waxay dacwad u gudbiyeen maxkamad federaali ah ah toddobaadkan iyagoo ku guuldareystay dacwada ay garsooraha oga codsadeen in uu amar ku siiyo magaalada inay joojiso qorshaheeda.
Qabanqaabiyeyaasha xerada waxay qorsheynayaan inay in ay sameeyaan quraac wadareed subaxda hore ee Khamiista. Dhowr hay’adood ayaa soo xaadiri doona subaxdii hore si ay gacan uga geystaan dib u dejinta dadka deggan, ayay tiri Christin Crabtree, oo mudo dheer ahayd qabanqaabiyaha xerada. Waxaa sidoo kale qabandoonaan shir jaraa’id oo 10-ka subaxnimo.
Magaalada ayaa laba jeer dib u dhigtay xiritaanka xerada bishii la soo dhaafay. Qabanqaabiyeyaasha xerada, dadka degan, iyo hawl-wadeenno badan ayaa ku cadaadiyay magaalada inay joojiso xiritaanka kaamamka iyadoon la keenin xal si wax looga qabto caqabadaha guryaha. Mas’uuliyiinta magaalada ayaa sheegay in ay ka go’an tahay in ay xirayaan sidoo kalena ay gacan ka gaysanayaan dadaallada lagu doonayo in guryo loogu helo dadkii deganaa.
