Tara FitzGerald, oo ahayd maamulaha Dugsiga Dhexe ee Andersen United ilaa 2021, ayaa lagu qasbay in ay xilka wareejiso.
Maamulaha Dugsiga Dhexe ee Andersen United ee Minneapolis ayaa xilka laga qaaday kadib markii koox waalidiin carqaladeeyeen shirkii golaha dugsiyada dadwaynaha Minneapolis ee qabsoomay janaayo kowdeeda, waxayna ku baaqeen in maamulka isbedel lagu sameeyo.
Tara FitzGerald, oo ahayd maamulaha Andersen tan iyo 2021, ayaa raadsan doonta xil kale isla Dugsiyada Dadwaynaha Minneapolis dhexdeeda, sida ku qoran warqad loo diray qoysaska. Laga bilaabo Isniinta, Ray Aponte ayaa noqonaya maamule ku meel gaar ah inta ka dhiman sannad dugsiyeedka.
Aponte wuxuu ka fariistay shaqada 2019 ka dib 29 sano oo uu u shaqaynayay degmada. Wuxuu soo noqday maamulaha Waite Park Intermediate, Andersen Jefferson K-8, Northrop Elementary, iyo South High School.
Isbadalkan ayaa imanaya todobaadyo kadib markii waalidiinta ardayda Andersen oo ay hogaaminayso Elana Sosa ay hakiyeen shirkii golaha ee 9-kii Jannaayo waxay wateen boodhadh ay ku sawiran yihiin caruurtooda. Waxaa ay codsadeen in maamulka si deg-deg ah loo badalo.
Waalidiintaan oo la kulantay mas’uuliyiinta degmada Jan. 12, waxay codsadeen in Andersen dib loogu soo celiyo in uu u adeego ardayda fasalka xanaanda ilaa 8aad. Dugsiga koonfurta Minneapolis ku yaala hadda wuxuu u adeegaa ardayda xanaanada ilaa fasalka lixaad.
Xubin ka tirsan guddiga Adriana Cerrillo, oo taageertay waalidiintaan, ayaa sheegtay dhammaadka usbuuca inay “aad ugu faraxsan tahay” inay maqasho isbeddelka hoggaanka.
