Xasuusnow in ay jirto jadeeco inta aadan safrin kahor iyo kadiba
Jadeecadu waa cudur lisku daarto liskuna qaadsiiyo hawada kadib marka qof qaba jadeecada uu qufaco ama hindhiso. Jadeecadu waxay dhibaato xoogan u gaysataa dadka difaaca jirkoodu hooseeyo ama dafiicka yahay. Caruurtu aad ayay ugu nugul yihiin in ay qaadaan jadeecada waxayna sababtaa cudur halis ah.
Safarka ka hor
Kahor intaadan ka bixin Minnesota, waa inaad hubisaa in adiga iyo xubnaha qoyskaaga ay qaateen talaaka jadeecada, qaamo-qashiirka, iyo Rubbela oo loo yaqaan (MMR). Jadeecadu aad ayay ugu badan tahay meelo badan oo adduunka ah. Dhakhtarkaagu wuxuu kaloo hubin karaa in adiga iyo xubnaha kale ee qoyskaaga aad qaadateen dhammaan tallaalladaada, sidaa darteed waxaad safri kartaa adiga oo aan cabsi qabin.
Safarka ka dib
Calaamadaha iyo astaamaha lagu garto jadeecada waxay noqon karaan kuwo yar oo mararka qaarkood lagu qaldo cudurro kale, sida qabowga ama hargabka, laakiin waxay noqon kartaa cudur halis ah oo kuu sababi kara in qofka cusbitaalka la seexiyo ama inuu u geeriyoodo. Dadka ay ku dhacdo jadeecadu inta badan waxay leeyihiin xanuuno sida shuban, infekshannada dhegta, oofwareenka, ama cudurka maskaxda-Acute incephelitus- ( Waa infekshan maskaxda ku dhaca oo sababi kara dhibaato waarta). Xanuunadaan ayaa ku badan carruurta ka yar 5 sano iyo dadka ay da’doodu ka wayn tahay 20 sano.
Haddii aad dhowaan safray ama aad u dhawaatay qof qaba cudurka jadeecada, leedahayna mid ka mid ah waxyaabaha soo socda:
- Qandho daran oo heerkulkeedu ka sarreeya 38 ° C (100.4 ° F)
- Qufac
- Sanka oo duuf ka socda
- Xanuun ama indhaha oo ku casaada
- Jirka oo yaruurac ka soo daata
Wac rugtaada caafimaadka oo raac tilmaamaha dhakhtarkaaga ku siiyo. Waxay ku siin doonaan daryeel khaas ah si jadeecadu aanay ugu faafin dadka kale.
Ka hortag jadeecada oo la xiriir dhakhtarkaaga gaarka ah kalana hadal talaaka MMR iyo talaallada kale ee aad u baahan tahay.
