Daruuro fara badan oo kor heebaabaya magaalooyinka mataanaha ah ayaa ka dhigaysa in mid adag qorax madoobaadka si toos ah loo arko.
Minnesota kuma jirto goobaha laga arki karo qorax madoobaad dhamaytiran oo qorraxda oo dhan uu dayaxu xannibi doono saddex ilaa afar daqiiqo. Laakin ku dhawaad saddex meelood meel ayay qoraxda qarsoomi doontaa marka la gaaro meesha ugu sarreysa ee dayax madoobaadka abaarihii 2:02 duhurnimo, taasoo ka dhigan in ku dhawaad 80% koonfurta bari ee Minnesota, sida ay sheegtay NASA.
Laakiin taasi waxay suura gal tahay kaliya haddii daruuruhu nadiif yihiin. Adeegga Cimilada Qaranka ayaa siinaya magaalooyinka Mataanaha ah kaliya 19% fursad ay ku arkaan qorax madoobaad dhamaystiran tan iyo 2017. Fursada lagu arki karo ayaa intaa ka sii hoosaysa waqooyiga Minnesota, iyada oo wax ka yar 10% ay haystaan meelaha ay ka mid yihiin Fargo iyo Grand Forks, ND. Duluth iyo Falls International ayaa haysta fursad gaaraysa 10%.
Cedar Rapids iyo Des Moines Iowa ayaa haysta 80% fursad ay ku arkaan dhacdadaan naadirka ah. Chicago ayaa ayaa iyana haysata 95% sababtoo ah hawada sare ayaa nadiif ah oo wax daruura ah ma jiraan.
Matxafka Sayniska ee Minnesota iyo Jaamacadda Minnesota ee Bell Museum waxay martigelin doona in ay dadka u soo bandhigaan sida ay qorax madoobaadka u dhacayo.
Culumada Soomaaliyeed ee Minnesota ayaa ugu baaqay Muslimiinta in ay oogaan salaada sunnada ah ee qorax madoobaadka xiliga ay dhacdada socoto. Sh Yusuuf Cabdulle oo ah madaxa Isutaga Muslimiinta ee Waqooyiga Maraykanka ayaa ugu baaqay immamyada iyo bulshada Soomaaliyeed in ay camiraan masaajida ilaahayna la baryo in ay qorax madobaadka socoto.
