Urur shaqaale oo matala in ka badan 1000 qof oo ka shaqeeya garoonka diyaaradaha ugu wayn minnesota, ayaa ku qasbaya maamulka garoonka in ay bixiyaan mushaar gaaraya ugu yaraan $20 saacadii. Qandaraaska shaqaalaha lala galay ayaa dhacaya goor dhaw.
Service Employees International Union Local 26 ayaa matala ku dhawaad 1,000 shaqaalaha garoonka kuwaas oo isugu jira kuwa nadiifiya diyaaradaha, dadka curyaamiinta ahna ku riixa gaari-curyaanka, iyo shaqooyiinka kale ee garoonka.
Shaqaaluhu waxay doonayaan in loo sameeyo in mushaarka hada ay qaataan oo ah $15.33 laga dhigo $20 saacadii, lana siiyo caymis caafimaad oo ay awoodi karaan.
Dan Mendez Moore, oo ah agaasimaha abaabulka ee Local 26, ayaa sheegay in ururka shaqaalaha iyo shirkadaha ka shaqeeya garoonka ay labo goor ay kulmeen Diseembar horaanteedii si ay isula meel dhigaan mushaar bixinta cusub, waxayna qorshaynayaan in ay kulmaan labo mar oo kale.
Sida uu qabo mendez, go’aanka mushaar kordhinta wuxuu ku iman karaa labo siyaabood. In shirkadaha ay si iskood ah u kordhiyaan mushaar bixinta, ama maamulka garoonka ku dhawaaqo.
Asma Cumar oo ah shaqaalaha logistikada ayaa sheegtay in shaqaaluhu ay horay ula kulmeen shirkadaha loo shaqeeyo si ay ogala hadlaan mushaar kordhinta, laakiin “wax wanaagsan” kama soo bixin kulammada.
“Aad ayaan u naxay oo isla markaana waan ku xanaaqay,” ayay tidhi Asma, wareegyadii hore ee wadahadallada.
Shaqaalaha adeega ayaa si tartiib-tartiib ah mushaarkooda kor loogu qaadayay, laakiin mid ka mid ah shaqaalaha ayaa sheegay in siddeed sano ka dib oo uu shaqada ku jiray uu hada ka niyad jabay shaqada.
Cismaan Sheekh waxa uu ka shaqaynayey nadiifinta diyaarada sidoo kalena curyaamiinta ayuu ku kaxaynayay gaari-curyaanka. Waxaa uu sheegay in Sicir-bararka awgiis uu mushaarkiisa waxba u goynayn hada. Wuxuu ka filayaa Shirkadaha uu u shaqeeyo inay ugu dambayntii siiyaan Shaqaalaha Mushahar-kordhin iyo Daryeelka Caafimaad ee ay dalbanayeen.
“Wax walba waa isbedelayaan laakiin weli waxaan helnaa isla lacagtii nala siin jiray,” Cismaan ayaa yiri.”
